Հեղափոխություն՝ վիրաբուժության ասպարեզում

Շվեդիայի Թագավորական տեխնոլոգիական ինստիտուտի գիտնականները պատրաստվում են հեղափոխություն կատարել վիրաբուժության ասպարեզում. այսուհետ կոտրվածքները հնարավոր կլինի ''սոսնձել'': 14 տարի շարունակ նրանք աշխատում էին յուրահատուկ սոսնձի ստեղծման վրա: Այն տարածվում է կոտրվածքի շրջանում և հալոգեն լամպի օգնությամբ պնդանում է: Երբ ոսկրերն աճում են, մարդու օրգանիզմը կլանում է սոսինձը: Այսպիսով` այնպիսի բարդ կոտրվածքներ, ինչպիսիք են ողնաշարի և գանգոսկրի կոտրվածքները, հնարավոր կլինի բուժել առանց բարդ գործընթացների:

Նոր մեթոդը թույլ կտա կրճատել ինչպես վիրահատության տևողությունն, այնպես էլ վերականգնման գործընթացը: Եթե մինչ այս դա տևում էր երեք ամիս, ապա այժմ հիվանդը կապաքինվի 3 օրվա ընթացքում:

Ստուգում անցնելուց հետո սոսինձը կփորձարկվի կենդանիների վրա: Գիտնականները վստահ են, որ եթե ամեն ինչ լավ անցնի, նման եղանակով վիրահատություններ հնարավոր կլինի կատարել արդեն հաջորդ տարի:

Հարցեր, պատասխաններ, մեկնաբանություններ